حطيت لكم كلمات قصيدة(هذاك أول)
للشاعر الإماراتي طارق المحياس
وإن شاءالله تعجبكم
قولي له هذاك أول قولي له ماعدت أبالي
قولي له إني من اليوم ماودي حتى أشوفه
قولي له هو من البداية في قلبي ماكان غالي
أتمنى تعمى عيوني ولا إني ألمح طيوفه
كل شي ترا وله نهاية ماأبيه يطلب وصالي
ماأبيه يسأل عليًَُِِّّّّا ماأبيه يشكي ظروفه
قولي له خل ينفعونه دام اعتبرهم أهالي
الله معاه ومعاهم......لا ماعليــهم حـسوفة
أنا اللي أستاهل أكثر ..أنا فتحت له مجالي
عطيته حقه وزيادة مسك حناني بكفوفه
أهديته أحلى قصيدي وسهرت عشانه ليالي
أحاول أكتب عشانه قصيده فيها وصوفه
كان القمر في سمايه ..أشوفه هناك عالي
اتصدقين نوره عشاني ماكنت أقدر أشوفه
واليوم صار بيننا غيم..وحتى لو الغيم زالي
ماأقدر أحبه لأنه خوف عيوني بخسوفه
يظن هو كله احساس بس للأسف قلبه خالي
يلعب على نفسه يظن روحي لعينه شغوفة
شسوي بشخص ضايع شسوي بشخص سالي
وأنا اللي كلي مشاعر والروح دايم عطوفه
قولي له ينسى ويبعد قولي له ماله ومالي
خلاص هذا قراري ولا أبغي أسمع حلوفه
قولي له الأيام تمشي ومن فوق في رب عالي
الأحد مارس 02, 2008 1:16 am
