قالت منين ؟ وصحت بالصوت حايل
--------------------------------------------------------------------------------
قلت العيون السـود مـوتٍ هوايـل
قلت العيون النجل,, قالـت عيونـي
قلت السواد اللي على المتن طايـل
قالت جدايل قلـت خانـت ظنونـي
كنت احسبه ليـلٍ طويـلٍ وشايـل
ليلٍ طويلٍ هـاض فينـي شجونـي
والخـد بـراقٍ ولمحـه مخـايـل
والقـد,, آه القـد كلـه جنـونـي
اسمك وقالت مـن بنـات القبايـل
وعـن ديرتـي بالله لا تسألـونـي
وش جايبك للسوق,, وسط العوايـل
انا مع اهلي,, وانت,, قلت ارحموني
قالت,, منين وصحت بالصوت حايل
قالت هـلا, لـو كلهـم يسمعونـي
ومالت على حظٍ معـي دوم مايـل
راحت بعيد,, وصار همي,, نسوني
قلت العيون الدعـج مـوتٍ هوايـل
قالت لي ادري تقصد انته,, عيونـي
الأربعاء نوفمبر 19, 2008 6:04 pm
