من كثر صدماتي بناس قريبيين صرت اتحرى صدمتي من ظلالي
من بعد ماحطيتهم في داخل العين واعطيتهم قلب من الحقد خالي
وقلت آمروا وشهو بدنياكم الشين عشان ازيله واسعدوا ياحلالي
تبون ميه او تبون الملايين بس اطلبو لو راس اغلى عيالي
وفي ليلة ظلمى طلبت المعاوين ابي المعونه منهم والمنالي
صدو وخلوني مع الهم والبين بانت حقيقتهم بسود الليالي
ماني صخر مخلوق من دم ومن طين احس باللي صار واللي جرالي
اصلا خسارة ينكتب بس بيتين فيهم ولكن قلتها من هبالي
ياللأسف ياللأسف حيل غالين واليوم مايسوون حتى نعالي
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــ
راسك علامك رافعه يوم أحاكيك
الظاهر اني فوق حجمك عطيتك لحظه
نرجع دقيقه لماضيك؟؟؟؟
بذكرك في أي حاله لقيتك!!
كان الضياع ودمعتينك تخاويك
منهار وفي عز انهيارك
خذيتك!!!
اضحك حبيبي كان وقتك مسليك
باكر تموت من القهر
لا نسيتك!!!!!
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــ
نـــــافق تعــــــيش وجـــــامــل النــــاس تنحـــب ؟؟
وبيــع الضمــير وشــف كلــن يجــي لـــك ؟؟
وهــذا هــو الدستــور فــي وقتنــا الصعــب ؟؟
إمــا تزيـــل الصــدق إمــا يزيلــــك ؟؟
صــار الصــدوق منبــوذ فــي عــالم الكــذب ؟؟
وصــار الكــذب يا للأســف هــو خليلــك ؟؟
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــ
والله لخلي عزتك تحت ماطاي
تمشي وعينك ماتعدا مواطيك
ابيك درس لكل خاين ونساي
وافهمك قدرك وقيمة مباديك
والله لهينك لين تبكي تبي رضاي
ذليل تكسر عين منهو يراعيك
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــ
عندي سؤال وخابرن فيه
تجريح !!
لكن ضروري
تسمعه بأنبساطي
أرفعك بيدي للسما
ترجع تطيح?
قلي شسوي فيك
لاصرت واطي
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ
ـ
جاني خبر موته من الليل تالي
كسّر مجاديفي وعظمي تحطم
ياقلب لا تحزن وخلك قبالي
سولف عليّ وخل همك مكتّم
أنت الشديد ولا تهمك حمالي
ولاتهزمك حسرة ونبرة تندّم
وياعين لا تبكين مالك ومالي
ماتنفع الدمعه ولا تغسل الهم
ويادار ودعتي عزيز وغالي
رحماك ياربي وعفوك تعشّم
رحماك ياربي وعفوك تعشّم
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــ
ـ لاصد عنك من توده
وجافاك ...
خله وجازه بالجفا مثل
صده ...
خلك عزيز النفس والعز
ماواك ...
وكلن عطه تفصيل ثوبه
بقده ...
إلا الرفيق اللي إذا جيت
حياك ...
وإن غبت عنه ياصلك
بالموده ...
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ
بكره يمكن أموت
وما ابي أشوف في عيونك دموع
أبي اسمع ضحكتك تضوي الوجود
وأنا بالكفن ملفوف وتحت الأرض مدفون ؟؟؟
هذي وصاتي والقدر على مكتوب !!!
تكفي تذكريني ولو بنثر الورود
وإني بيوم كنت موجود .. وفي بالك محفوظ
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــ
أحساس لايوصف!!
أن تقف أمام قبر أنسان تحبه كثيرآ وقد كان يعني لك كل شي يعني لك الكثير
ثم تحدثه وتحاوره
تصف له طعم الحياة في غيابه ولون الأيام بعد رحيله وتجهش في البكاء كطفل رضيع بكاء مرير من أعماق أعماقك
حين تذكر أنه ماعاد هنا بقربك!!!!
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ
أسولف وأبتسم وأضحك وأنا أتألم
أجامل والأسى يطحن بوجدني
أبي يد أصافحها
وأبي شخص يلملمني من أحزاني وأبي أنسي وينساني التعب والهم قبل لاينتهي عمري وأنا أعاني!!
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ
اكبرمسمى للقهرلاصار حبيبك معاك وماتلاقيه
ولاصار أقرب منك لك وتدور عليه
ويكون الوحيد اللي تبيه
معك
بقربك
عندك
في حضنك
وتضمه بيدك
ويحسه قلبك
وتكتشف انه
مومعك!!
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ
الدم ميت والشرايين تابوت
والقلب مجبور على ضخ دمي
وأغلى البشر مثلك على القلب منحوت
أرتاح له وإن راح قربت همي
وإن خيروني بين فرقاه والموت
كني مخير بين خالي وعمي؟
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــ
الزمن ياصاحبي ماله أمان والعمر يمشي وكل شي محسوب القدر مكتوب والمخفي يبان وحظي العاثر طلع أكذب كذوب
كنت أنا طيب وبقلبي حنان وأحسبولي طيبتي ظمن الذنوب أذكر إني ناجح من زمان بس أحس إني تعلمت الرسوب!!
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــ
أنا لي طلب واحد ومنه لاتحرميني مثل ماتغفى الغيمه على صدر السما وتنام!
تعالي وأنسي الدنيا على شاني
<وضميني>!
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــ
تصدق كل شي فيني تغير ماعاد المطر يهمني إذا بلل ثيابي ولا عاد السهر يهمني إذا ماشفت أحبابي كل شي فيني تغير حتى أحساسي ماعاد ذاك الإحساس صرت أشوف الدنيا سواد في سواد وماعاد تجتمع وتلتقي الألوان في عيني خلاص!!
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــ
تمنيت ارحل لعالم عليه الفاتحه تقرأ..
ورفض موتي يواجهني بوجه القادم المخفي..
فهل شفتوا جسد ميت رفض يستقبله قبره؟!!
انا هذي معاناتي واظن اللي مضى يكفي..
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــ
جيتك يتيم مالقى من يمسح دموعة..
تاهت بي الخطوة تبي توصل لكم يافلان..جيتك بخاطر منكسر من سبة اللوعة..لوعة ظروف كلها هم وشقا وأحزان..جيتك وروحي ضامية في أرض مقطوعة..ماقد لقيت من البشر وافي ( ولا إنسان ) !!!..جيتك أغني من الحزن آهات مسموعة..يحس فيها من فقد في دنيته خلان..
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــ
حالتي والله صعبه وأشكي حالي لمين!!
أختلط الفرح والحزن داخلي!!
وأصبحت أضحك وأبكي
بنفس الوقت!؟
يمكن المجنون أحسن من حالتي لاتستغربون؟؟!
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــ
رزيت نفسي وأتظاهر قويه يعني كأني ماتأثرت بفراق وأنا عذاب الكون صوت علي أضحك بس أني أختم الضحك بشهاق!
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ
على كف الزمن بكتب معاني للحزن فيني وأبشرح قصتي للناس من أولها لتاليها جروحي في حشا قلبي وصبري مايكفيني ولاأدري كيف أنا بمشي حياتي وكيف أبقضيها غريب بدنيتي وحدي حزين ولا يسليني حبيب كود حرماني من الحسره يخاويها أذوق المر وأتعذب وشوقي مايحكيني تموت الفرحه في عيني وأنا بالحيل راجيها!!!!
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــ
لو كانت الحياة تقاس بمعنى السعادة..فاكتبوا على قبري مات قبل الولادة..
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــ
نذرا" علي والنذر مـافيه تبديل
من يجرحك مايهتني في منامه..
قلته وأنا قد الليــــــالي المقابيل
يبشر بيوم" مثل يـــوم القيامه..
وأن كان ماني من خيـار الرياجييل
قربلي البرقع وهـــــاك العمامه
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــ
هذا حظي ماوقف مره معاي..وهذا قلبي من عرفته ماكسب..كل ضيقة بها الزمن تركض وراي.. التعب عندك وفي بعدك تعب..مالومك لاخطاك ولاخطاي..حظي اللي بحسبة أوضاعي لعب..
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ
وش ذكرك فيني بعد طولت غياب أكيد شفتي خيرنا في غيابك توك ندمتي وناوية نرجع احباب توك ذكرتي من هجرت وشقابك توك ذكرتي من معك ذاق الأتعاب ذكرتي اللي مات فيك وحيابك ذكرتي اللي بحبك اسنين منصاب ذكرتي اللي بك شقى واعتنابك ذكرتي اللي منك شيب وهو شاب ذكرتي اللي قد تجرع عذابك نسيتي إن القلب في حبكم ذاب ونسيتي إنه فرحته لاالتهابك ياما رميت بلحظة البعد الأسباب حتى تشتت فيك حتى سرابك حتى بقايا جرحك العام ما طاب يومه علي تمطر خيانة سحابك
ما أقبل أنا عذرك ولاطيع كذاب وين انت يالغدار وقت الرجابك ؟ يوم الأمل وارجيك بس الأمل خاب حتى الرجا بك خاب لحظة غيابك لاعاد ترجيني ولو لحظة عتاب ماعاد للرحمة بقلب انتهابك نسيت من حبك وحبيت الأغراب خل الذي حبيت ينفع جنابك آخر قرار وأعتزم فيه ماطاب روحي عني لا آهلا ولا مسهلابك توك ندمتي وناوية نرجع أحباب غيرك خذا قلبي بلحظة غيابك ..
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــ
يااللي تغرك ضحكتي
بعض الأوقات
أحيانآ بعض الضحك
معناه موتــــــــــــي!
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــــــ
قلت لي ودني لشارع الفرح وأنا وربي ماأعرفه وعمري ماسمعت فيه
<يمكن شارع جديد> بس أكيد طريقه صعب
أنا انولدت وتربيت في شارع الحزن والهم وهذا اللي أدله زين
حتى بالأماره أعرف سكان بيوتها
<بيت العذاب وبيت الخيانه وبيت الفراق وبيت الضيم وبيت الفقر>؟!
هذا أنا وهذي معاناتي وهذا شارعي وهذولا جيراني!!!
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــــــ
الا ياطفل لاتكبر كذا اجمل كذا اطهر كذا لادين يتراكم كذا لاضغط ولاسكر!!!
ترى أكبر كذبه عشناها
<يالله متى نكبر>
أحلم قد ماتقدر وإذا خفت خبي أحلامك بدفتر ترى الأيام سراقه والأحلام تتبخر!!!
الأربعاء مارس 12, 2008 11:17 pm
