هذه القصيدة قراتها فأعجبتني لبنت كان يعايرها شخص بفقرها
وكتبت هالابيات الجميلة بجمال شخصها وشخصيتها واصالتها
إليكم القصيدة :
جاني يعايرنـي بقولـه: "فقيـره "
قلت الفقر ماهوب فـي قلـة المـال
الفقر هو نقـص العقـل والستيـره
واما بغيرة يا"...." نستـر الحـال
قال: وعلى فقـرك وكنـك اميـره
تحكي بعز وتمشـي بفخـر تختـال
قلت: ايه وازيدك من البيـت غيـره
الله عطاني مـن عطايـاه مكيـاااال
وش هو له امشي في حياتي كسيـره
مادامني من خير ربي انـا اكتـال
مـادام مايسجـد جبينـي لغـيـره
أللي خلق ارض وسمـوات وجبـال
اللي حباني نـور عيـن وبصيـره
أميز يمين الخطـاوي مـن شمـال
ماني قليلـة فهـم مثلـك غريـره
أمشي عدل واميـل للوقـت لامـال
ماغرني صوف الزمـان وحريـره
ومهما يضيق الوقت فيّه أبا احتـال
وكانك تعايرنـي بقولـة " فقيـره "
بقول شي(ن)صعب اشـوي ينقـال
صحيـح املاكـك عددهـا كثيـره
صحيح تلبس غتره وثوب وعقـال
بقول لك كلمة ولـو هـي كبيـره:::
"" عز الله اخطا من مسميك رجّال
السبت سبتمبر 27, 2008 4:26 am
